Ծաղկաձոր. իսկ դուք գիտե՞ք լեգենդը Ереван

Ծաղկաձորը շարունակում է մնալ ռուսաստանյան զբոսաշրջիկների սիրելի վայրը հանգստանալու համար: Նրանց խոսքով այն ակտիվ և պասիվ հանգստի համար նախատեսված իդեալական վայր է: Մաքուր օդ, կանաչ բնություն, պատմության մաս հանդիսացղ Կեչառիս վանական համալիրը (XI-XIII դ): Դրան գումարված շքեղ հյուրանոցներ, համեղ սնունդ և մատչելի գներ: Այո դրանք մատչելի են զբոսաշրջիկների համար, բայց ոչ տեղական բնակչության: Բայց ավելի լավ է անդրադառնանք լեգենդին, թե ինչու է այս վայրը կոչվում Ծաղկաձոր: Ըստ ավանդության՝ Պահլավունյաց տոհմի օրիորդներից մեկի կամքով մի ձորահովտում կառուցում են ամրոց և դրա կողքին՝ մի շքեղ ծաղկանոց, որտեղ աճեցնում են աշխարհի ամենագեղեցիկ ծաղիկները։ Բայց մի օր կատաղի քամին ավերում է ծաղկանոցն ու ծաղիկները ցրում ձորով մեկ։ Աղջիկը խնդրում է հորը կառուցել տալ մի վանք, որտեղ վանահայրերն աղոթեն ու վերադարձնեն ցրված ծաղիկները։ Վանքը կոչում են Կեչառիս, իսկ ձորը՝ Ծաղկաձոր։